နားလည်ပေးပါ

"နားလည်ပေးပါ"
[][][][][][][][][][][][][][][]

သမီး သားနဲ့ဇနီး(မိန်းမ)ရေ
ငါ့ ကိုနားလည်ပေးပါ
ငါ မင်းတို့နဲ့ထမင်းအတူစားချင်တာ
ငါ မင်းတို့နဲ့စကားအတူပြောချင်တာ
ငါ မင်းတို့ပြောစကားကိုနားထောင်ချင်တာ
အပြန်အလန်အငြင်းပွားနေချင်တာ
အပြန်အလန်အချင်းချင်း စကားတွေ များနေချင်တာ
အဲဒါ .......
တစ်နေ့တာရဲ့အပမ်းဖြေစရာလေးပါ။

ငါမူးပြီး ရစ်နေတာတွေ
ငါမမူးပဲ ရစ်နေတာတွေ
ငါ စိတ်တိုနေတာတွေ
ငါ ဆူဆဲနေတာတွေ
ငါ ပြောဆိုသွန်သင်နေတာတွေ
ငါ ဆိုဆုံးမနေတာတွေ
ငါ သတိပေးနေတာတွေ
ငါ စိုးရိမ်နေတာတွေ
ငါ အစိုးရိမ်လွန်နေတာတွေ...
.......................
ဒါတွေ...ဒါတွေအပြင်
ညအိပ်တဲ့အခါ
တစ်နေ့တာ အမော
တစ်ခေါခေါနဲ့အိပ်မောကျ
(အဖေ့ဟောက်သံကြောင့်)
မင်းတို့ အိပ်မရဘူးလား
သီးခံပေးထားပါ
ဒါတွေ...
မကြားရ....
မကြုံရ....
မနာခံရ....
မခံစားရတဲ့.....
နေ့တစ်နေ့ကျရင်
အားလုံးအဆုံးသတ်သွားမှာပါ။

ရေ ရဲ့တန်ဖိုးကို
ရေ မရှိတဲ့အရပ်ကျမှသိမယ်

အဖေ ရဲ့တန်ဖိုးကို
အဖေ မရှိတဲ့အခါကျသိမယ်

အခုချိန်မှာ
အဖေသိတာတစ်ခုထဲပဲ
ဘာနဲ့မှ မလဲဘူး
အထူးဦးစားပေး နံပါတ် 'တစ်'
"ဒီမိသားစု"လေးပဲဖြစ်တယ်
အဲ့ဒီ အချိန်မတိုင်ခင်လေး
အဖေ့ကိုနားလည်ပေးပါ
အဖေ မူး နေပါပြီလေလို့ပေါ့။  ။

Aungzaw Htay
ခံစားမှု့စာစု
(တည်းဖြတ်ခြင်းမရှိ ခံစားရသလို တိုက်ရိုက်ချရေးထားသည် )
24,3,2019. 19:45