"မဇ္ဈိမပဋိပဒါ" (အလယ်အလတ်လမ်းစဉ်)

"မဇ္ဈိမပဋိပဒါ" (အလယ်အလတ်လမ်းစဉ်)
_____________________________

လူ့ စိတ်သဘော
လူ့ မနောဟာ......

တစ်ခါတစ်ခါမှာ
အဆိုးတွေဖြစ်လာရင်
ကောက်ကျစ်မယ်
ယုတ်မာမယ်
မကောင်းကြံမယ်
ချောက်တွန်းမယ်
ညစ်ပတ်မယ်
တိုက်ခိုက်မယ်
ဂလဲ့စားချေမယ်
နှိမ့်ချမယ်.......

တစ်ခါတစ်ခါ
အကောင်းတွေကြုံလာရင်
ခွင့်လွတ်ချင်လာမယ်
စွန့်လွတ်ချင်လာမယ်
မမြင်ချင်ယောင်ဆောင်လာမယ်
မြင်ချင်ယောင်လဲဆောင်လာမယ်
ဖြူဖြူ မဲမဲ
ကွဲကွဲ မကွဲကွဲ
အကောင်းပဲမြင်
ဆင်ချင်လာမယ်.......

တကယ်တော့
စိတ်ရဲ့သဘော
မနောဆန္ဒ
မျှမျှ တတတွေး
သူ့ အရေး
ကိုယ့် အရေး
ဖေးဖေး မမ
အမှန်တရားဘက်ကရပ်တည်ကြရမှာ
အဲ့ဒါကို
"မဇ္ဈိမပဋိပဒါ" (အလယ်အလတ်လမ်းစဉ်)
လို့လဲခေါ်ပါတယ်........

အစွန်းမရောက်
မဖေါက်မပြန်
ဆင်ချင်ဉာဏ်သုံး
အပြုံးမပျက်
အမုန်းမဖက်
နောက်ဆုံးရက်အထိပေါ့......

ကျနော့သဘော
စိတ်မနောက
အတူတူ ညီမျှ
တရားမျှတပါစေ
ကျေနပ်နေမှာ
"မဇ္ဈိမပဋိပဒါ"
ကျနော်.......
ကိုးကွယ်ရာလဲဖြစ်သည်။  ။

AungZawHtay
24 12 2019 19:38

"ရင့်ကျက်ကြပါစေ"

"ရင့်ကျက်ကြပါစေ"
_______________

ရင့်ကျက်ဖို့ကို
ရက်နဲ့ကျင့်လို့မရ....

ရက် နဲ့ကျင့်ကျင့်
လ နဲ့ကျင့်ကျင့်
နှစ် နဲ့ကျင့်ကျင့်
ရင့်ကျက်ဖို့ဆို
အတွေ့အကြုံတစ်ချို့လိုတယ်.....

တွေ့ မြင် ကြုံ လဲ
အသိတရားနည်းရင်
ပိုနေမြဲ ကျားနေမြဲ
အရင်လိုပါပဲလေ.....

တွေ့ မြင် ကြုံ သိ
ထိတွေ့သမျှ
ယူတတ် ရမယ်
ယူတတ်ရင် ရတယ်
ယူတတ်ကြဖို့ပဲလိုတာ.....

ကဲ....ရင့်ကျက်ဖို့ဆို
ကိုယ့်မှာ ဘာလိုသလဲ
ဝေခွဲဆန်းစစ်
ရင့်ကျက် ကြပါစေ။  ။

AungZawHtay
19 12 2019
19:18

ကြိုဆိုခြင်း

"ကြိုဆိုခြင်း"
🕛🕧🕐🕜🕑🕝🕒🕞🕓

ဒီရုပ် ခန္နာ
မမြဲတာသိ
မြင်အောင်ကြည့်လို့
သေ ဖို့ကိုလဲ
ရင်ဆိုင်ရဲပြီ......

ဒီပိုင်ဆိုင်ခြင်း
လောဘကင်းစေ
သေ ရင်မပါ
စိတ်မှာတွေးသိ
စွန့်ဖိုအသင့်ရှိခဲ့......

ဒီဂုဏ်ဓန
တမလွန်ကျရင်
အသုံးမ၀င်
ပါဝါပြချင်လို့မရ
ထားခဲ့ရဖို့သိခဲ့ပြီ......

ချစ်ခြင်း မုန်းခြင်း
တပ်မက်ခြင်းတွေ
သေ ရင်မပါ
မသေခင် ငါအခု
အရာရာတိုင်းကို
ဥပေက္ခာပြုတတ်ဖို့
နေသာသလို နေရမယ်
ဖြေသာသလို ဖြေရမယ်
သေ မှာကိုလဲ
ကြိုရမယ်။  ။

     ခံစားမှု့စာစု
AungZawHtay
3 12 2019  19:28